شهيوات داري

غريبة السميدة والكوك المقادير رابعة كوك  رابعة سميدة رقيقة 1خمارة قبصة ملح 2كيسان عنبة سكر كاس عنية زيت معلقة كوفيتير ديال الحلوة  3بيضات يكونو بحرارة المطبخ  قشرة حامضة محكوكة كيفية الإستعمال فالاول نخدم البيض والسكر مزيااان بيدي او طراب يدوي حتا تدوب سنيدة من بعد نضيف الزيت ونحرك ونضيف الكوفيتير وعاد نضيف الكوك ونحرك مزياان عاد نضيف الخمارة وقبصة ملح وقشرة الحامض والسميدة شوية بشوية حتا تجمع تقدروا ماتكملوش رابعة كاملة يلا تجمعات نشعل الفران يسخن ونمشي ندهن يدي بماء زهر ونكور ونحط حتا نكمل عاد نفندها كاملة فالسكر كلاصي سبيسيال ضروري ونضغط شوووووووية براس صباعي غير شوية ونحطها فطاوة مفرشة بورق الطبخ ندخلها الفران نقص من العافية تكون العافية مهيلة فوق منها حتا تشقق عاد نشعلوا تحتها تكمل طياب مني كيسهال علينا نحركوها من بلاصتها # شهية_طيبة_شهيوات_داري